Shtetet e Bashkuara të Amerikës u tronditën sërish nga të shtënat me armë zjarri në një shkollë. Ngjarja ndodhi në Madison, Wiscons me orën lokale 10:57 , dhe raportohet për tre të vdekur, duke përfshirë një fëmijë, si dhe 5 të plagosur. Mes personave që ka humbur jetën është edhe agresori, i cili pas krimit dhe pasi është rrethuar nga policia, dyshohet se ka kryer vetvrasje. Masakra ndodhi pikërisht në prag të festave të Krishtlindjeve në shkollën e krishterë “Aundant Life” në Madison. Sulmuesi, sipas shefit të policisë lokale, ishte një student i ri në të njëjtën shkollë. Në tragjedi, fati ishte që personeli mjekësor i policisë së Madisonit po kryente një stërvitje pikërisht pranë shkollës dhe sapo dëgjuan të shtënat u afruan te shkolla, duke e detyruar agresorin të largohej më shpejt se ç’kishte planifikuar ai. “Ata qëlluan drejt tij dhe e detyruan të largohet, ndërkohë që ai po qëllonte cilindo që i dilte para”, shpjegoi shefi i policisë. Të shtënat në Madison vijnë pas 12 ditësh nga një tjetër tragjedi në një shkollë të krishterë në Kaliforni, ku, për fat të mirë, numri ishte vetëm dy fëmijë të plagosur dhe sulmuesi u vra nga vetëvrasja.