Serbia konfirmoi kërkimet në një varrezë të mundshme masive pranë Novi Pazarit. Zyrtarë nga nga Komisioni Qeveritar i Kosovës për Personat e Zhdukur thonë se nga mesi i shtatorit mund të kenë një datë për nisjen e gërrmimeve apo vlerësimit të zonës. Landfilli pranë fshatit Kozhle në jugperëndim të Serbisë është një nga vendet që sipas autoriteteve në Prishtinë mund të ketë gjurmë të krimeve të kryera nga forcat serbe kundër civilëve shqiptarë në Kosovë, gjatë luftës së viteve 1998/99. Komisioni për të Pagjeturit i qeverisë serbe pohoi për REL se kanë filluar përgatitjet për pastrimin e vendit dhe ndërtimin e një rruge hyrëse, e paskësaj, është planifikuar të nisin gërrmimet, që kryen me kërkesë të Kosovës, e cila e ka informuar palën serbe për mundësinë që në këtë vend të jenë varrosur eshtra të civilëve të vrarë shqiptarë, të cilët figurojnë si të zhdukur prej më shumë se dy dekada. Informacionet për këtë zonë janë siguruar nga dëshmitarë të ndryshëm, ndërsa përgatitjet në terren kanë filluar më 26 gusht. Në fund të muajit të kaluar, vendin në fjalë e vizituan edhe për përfaqësues të misionit të Bashkimit Evropian për sundim të ligjit në Kosovë, EULEX, bashkë me zyrtarë nga Kosova dhe nga Serbia.Gjatë luftës së viteve 1998 dhe 1999 në Kosovë u vranë më shumë se 13.000 civilë, kryesisht shqiptarë, ndërsa mijëra të tjerë u zhdukën. Sipas Kryqit të Kuq, në Kosovë janë ende 1.612 persona të pagjetur nga lufta. Që prej fillimit të viteve 2000, në territorin e Serbisë, që nga fillimi i viteve 2000, janë zbuluar pesë varreza masive me gati njëmijë trupa.