Një ditë pasi njoftoi se vendi i tij kërkon kthimin në “status quo ante” (gjendjen e mëparshme) në veriun e Kosovës, si rrugë për tejkalimin e situatës së krijuar nga ato që i përshkroi si qëllime të Prishtinës për përndjekjen e popullsisë serbe, presidenti i Serbisë, Aleksandar Vuçiqm njoftoi se ka nënshkruar marrëveshjen për rikthimin e shërbimit të rregullt ushtarak për 75 ditë. “Dua të besoj se Qeveria e Serbisë do ta miratojë këtë vendim”, u shpreh ai gjatë ceremonisë së gradimit të oficerëve të rinj të Forcave të Armatosura të Serbisë. “Dua gjithashtu të besoj se të gjithë e kuptojnë se sa kemi nevojë për një ushtri të fortë, se sa më shumë armë do të duhet të blejmë, të prodhojmë, sepse nuk është dëshira jonë që të sulmojmë askënd e as që do ta bëjmë. Por, ne do të pengojmë këdo në na kërcënon çdo ditë pa pasur frikë”, shtoi Vucic, pa hyrë në detaj sakaq se kush po e kërcënon Serbinë. Një ditë më parë kryeministri serb, Millosh Vuçevic kishte pohuar se ezekutivi i drejtuar prej tij është e gati ta dërgojë menjëherë projektligjin për kthimin e shërbimit ushtarak në parlament, në momentin e arritjes së një marrëveshjeje politike dhe shoqërore. “Në 2025, kur të arrihen kushtet administrative dhe logjistike, ne do të nisim shërbimin ushtarak, deklaroi ai. Ky shërbim ishte hequr në Serbin ë 2011-tën, dhe funksiononte vetëm në bazë vullnetare. Më herët, Kroacia po ashtu njoftoi se duke nisur nga 1 janari i vitit që vjen do të rikthejë shërbimin e detyrueshëm ushtarak me një kohëzgjatje prej dy muajsh.