Serbia ka bllokuar fondet për shqiptarët e Luginës së Preshevës. Lajmi u bë i ditur nga kreu i Këshillit Kombëtar Shqiptar të Luginës, Enkel Rexhepi, i cili tha se qeveria serbe ka vendosur të bllokojë fondet, që kanë për qëllim zhvillimin dhe ruajtjen e identitetit kombëtar në zonë. “Bëhet fjalë për bllokimin e fondeve nga Qeveria e Kosovës, që prekin drejtpërdrejt 3650 nxënës, 94 fëmijë pa prind, 957 bujq, mbi 756 studentë, 139 organizata joqeveritare dhe mijëra qytetarë që varen nga këto programe”, njoftoi Rexhepi. Sipas tij, faktet dëshmojnë që kjo po ndodhë nëpërmjet bankës nga Qeveria e Serbisë. Lidhur me këtë, nga Qeveria e Republikës së Kosovës kanë deklaruar se janë ndërmarrë hapat konkretë për të njoftuar Bashkimin Evropian dhe faktorët ndërkombëtarë.