Arrestohet në Kavajë djali i ish-Missit të parë shqiptar, Valbona Selimllarit. Sipas burimeve zyrtare, ndalimi 21-vjeçarit, Deni Selimllari u krye në Qerret. Gjatë kontrollit fizik në banesën e të riut, policia gjeti sende të vjedhura dhe një sasi prej 203 gramë kanabis. Sipas dëshmisë së Deni Selimllari, sendet dhe drogën ia kishte lënë një person, i cili është shpallur në kërkim nga policia për veprën penale “vjedhje”. Përveç dyshimeve për vjedhje, Selimllari tani përballet edhe me akuza për posedim të lëndëve narkotike. Zyrtarë të policisë kanë bërë të ditur se hetimet për këtë çështje janë ende në fazë fillestare. Ndërkohë, Selimllari është shoqëruar në komisariat, ku po merret në pyetje për të sqaruar rrethanat e ngjarjes dhe për të zbuluar nëse janë përfshirë persona të tjerë në këto aktivitete të paligjshme.