Zhvillimi ekonomik i përqendruar vetëm në disa sektorë, plakja e popullësisë si dhe zhvlerësimi i euros janë disa nga problematikat të evidentuara nga Banka e Shqipërisë në raportimin vjetor për vitin 2024 që po kalon vendi jonë. Në komisionin e ekonomisë, guvernatori Sejko theksoi rëndësinë e investimeve në këto sektorë, ndërsa këto tematika nxitën debatet si në radhët e socialistëve edhe të opzoitës. “Nëse ka një rrezik ekonomia shqiptare vjen nga plakja e tregut të punës, do ta vuajë bujqësia dhe ekonomia shqiptare. Ka një përqendrim e normë të masës së kredisë në Tiranë, po përqendrohet në rajone të caktuara, ndërkohë që qytetet e tjera janë bosh. Ccmimet në tregun e pasurive të paluajtshme, shqetësimi që kam në këtë moment: mos po ndërtojmë keq që do të thotë, mos po e përqendrojmë ndërtimin si sektor te ndërtimi i luksit.” “kemi raporte që flasin për inrkiminin e ekonomisë shqiptare, depërtimin e parasë kriminale në ekonomi.” “Gjetja e një ekuilibri të drejtë midis diversifikimit dhe specializimit të strukturës sonë ekonomike, mbetet një detyrë parësore, e cila duhet të mbahet në vëmendje si nga sektori publik dhe nga ai privat. Për tregun e pasurive të paluajtshme, është një treg që po zhvillohet. Ne e shohim tregun në tërësi në raport me sektorin financiar. Sistemi bankar është i kontrolluar nga ekspozimi në këtë treg, por ne kemi marrë masa për të rregulluar ekspozimin më tej në këtë treg.” Teksa industria dhe bujqësia po humbasin nga zhvlerësimi i valutave, deputeti Braçe kërkoi nga Banka e Shqipërisë që të bëjë një parashikim mbi kursin e këmbimit,.