Pika e parë e rendit të ditës në seancën e kësaj të enjteje në Parlament do të jetë shqyrtimi i kërkesës së SPAK që kërkon autorizimin e Kuvendit për arrestimin apo heqjen e lirisë së deputetit Sali Berisha... Seanca e 21 dhjetorit që do nisë në orën 10:00 nuk parashikohet të jetë e qetë, jo vetëm për shkak të protestës së paralajmëruar nga opozita, por edhe për faktin se prej disa javësh, opozita nuk ka lejuar funksionimin normal të Kuvendit, duke krijuar rrëmujë me karrige të grumbulluara në foltore, tymues, madje edhe kapsolla.. Përgjithësisht, parlamenti ka votuar pro heqjes së imunitetit të deputetëve, kur është kërkuar arrestimi nga prokuroria. Por për të arritur deri tek votimi, Kuvendit i duhet raporti i përgatitur nga Këshilli për Rregulloren, Mandatet dhe Imunitetin Gjashtë deputetë, pesë socialistë dhe demokrati Enkelejd Alibeaj kishin tre ditë kohë të argumentonin votën e tyre pro zbatimit të kërkesës së SPAK, më 18 dhjetor, duke i hapur rrugë arrestimit të ish-kryeministrit. Ndërsa Kuvendi do të vendosë për fatin e Sali Berishës këtë të enjte, SPAK e ka lënë të hapur edhe mbylljen e tij në qeli.