Miliarderi Elon Musk beson se do të përfundojë në burg nëse zv. presidentja e SHBA, Kamala Harris do të fitojë përballë Donald Trump në zgjedhjet e ardhshme presidenciale. Në një intervistë drejtuar Tucker Carlson, të transmetuar në platformën që ai vetë zotëron, X, Musk tha “Nëse Donald Trumphumbet, unë jam i shkatërruar. “Sa mendoni se do të jetë dënimi im me burg? A do t’i shoh fëmijët e mi? Nuk e di”, u shpreh miliarderi. “Pikëpamja ime është se nëse Trump nuk i fiton këto zgjedhje, janë zgjedhjet e fundit që do të kemi”, tha Musk, duke shtuar se miliona emigrantë që administrata Harris-Biden ka importuar, përfundimisht do t’u jepet shtetësia. Intervista e Musk me Carlson vjen pasi ai u shfaq përkrah republikanit të shtunën në tubimin e tij në Pensilvani, ku theksoi më tej mbështetjen për Donald Trump.