I refuzuar nga shumica e banorëve dhe i bllokuar në zyrën e tij për shkak të tensioneve mes shqiptarëve dhe serbëve lokalë qëu përshkallëzuan në dhunë më herët gjatë vitit, kryetari i komunës së Leposaviçit në veri të Kosovës tërhoqi vëmendjen e Reuters. Në reportazhin kushtuar Lulzim Hetemi, agjencia e njohur e lajmeve kujton sesi ai fle, punon dhe jeton praktikisht në zyrën e tij pa dalë që prej saj që nga muaji maj, i ruajtur nga trupat e NATO-s dhe të policisë speciale.“Kush është ai që dëshiron të qëndrojë në zyrë dhe të flejë në karrige? Fillimi sidomos ishte tejet i vështirë. Ky vend ishte i mbushur me policë e forca speciale. Situata ishte shumë e tensionuar. Kujt i pëlqen të qëndrojë larg familjes, larg fëmijëve. Kjo është thjesht dashuri për atdheun dhe për sovranitet”, shprehet Hetemi