Muajt e fundit të ardhurat nga shitja e gazit në rusi ranë nën nivelet e paraluftës. Sanksionet e vendosuar nga be dhe shba duket se po japin efektet në ekonominë ruse. Janë dy shifra që duket se konfirmojnë këtë tezë, të ardhurat nga shitja e hidrokarbureve (që kanë qenë gjithmonë zëri kryesor në buxhetin e Moskës) dhe rezervat e kapitalit në dispozicion të autoriteteve tatimore. çmimi i gazit të hënën shkoi afër 50 euro për kilovat orë, pra shumë larg 400 që arriti në dy raste në dimrin e ’21 dhe në pranverën e ’22. Në janar të vitit të kaluar, regjimi i Putinit mund të mbështetej në rreth 100 milionë euro në ditë falë furnizimeve me gaz për vendet e BE-së. Nga mesi i vitit, ky fluks parash ishte trefishuar si rezultat i luftës. dhe që atëherë nuk ka rënë nën 200. Tendenca u përmbys duke filluar nga muajt e fundit të 2022 kur përfundimi i magazinimit, ngadalësimi i ekonomisë dhe më pas dimri i butë shkaktuan rënien e kërkesës dhe për rrjedhojë edhe çmimin e gazit. në javët e para të janarit, Moska ishte në gjendje të llogariste në të ardhura më pak se 30 milionë euro në ditë, një e treta e dymbëdhjetë muajve më parë. Një "termometër" i dytë i aftë për të matur se sa e sëmurë është ekonomia ruse vjen nga Kazakistani. Në gjysmën e parë të vitit 2022, autoritetet financiare vendase regjistruan eksporte kapitale nga Rusia në bankat e tyre prej 370 milionë dollarë, një rritje prej 58% krahasuar me një vit më parë. Ikja e kapitalit nga Rusia përfshiu gjithashtu Gjeorgjinë (2 miliardë) dhe Uzbekistanin (14.5 miliardë). Rreziku që taksat e rënda do të bien mbi depozitat bankare duket se ka vënë në lëvizje eksportet e valutës dhe ish-republikat sovjetike kanë mbetur ndër të paktat parajsa të sigurta për "super të pasurit". Pamjet: AFP