Në përmbyllje të Samitit të Procesit të Bashkëpunimit të Evropës Juglindore, Presidenti i Republikës së Shqipërisë, Bajram Begaj, konfirmoi se Serbia dhe Bosnja e Hercegovina refuzuan ta nënshkruajnë deklaratën e përbashkët të samitit, ndryshe nga vendet e tjera pjesëmarrëse që e mbështetën atë në mënyrë unanime. “Deklarata u votua nga shumica e vendeve dhe u refuzua nga Serbia dhe Bosnja që kanë të drejtën e tyre për të mos e miratuar. Ne ramë dakord që çështja e vendosjes së sanskione ndaj Kosovës është e padrejtë dhe duhet që të ishte zgjidhur shumë më para. Është një deklaratë shtesë për këtë që është e shënuar në protokoll. Beogradi dhe Sarajeva kishin pretendimet e tyre për çështje të lidhura me sigurinë dhe unë mendoj se siguria nuk është term vetëm brenda shtëpisë sonë dhe ne e kemi kuptuar se ça ndodhi me agresionin rus ndaj Ukrainës që solli probleme për vendet e përfshira në konflikt por edhe për vende të tjera” Presidenti Bajram Begaj, nga konferenca e ministerialit të Procesit të Bashkëpunimit në Evropën Juglindore ripërsëriti mbështetjen për të drejtën e Izraelit për mbrojtjen e qytetarëve të saj në konfliktin me Iranin. Begaj i bëri thirrje Iranit të ndalojë programet bërthamore.