Ky është momenti kur Presidenti ukrainas Volodymyr Zelensky largohet me helikopter nga Londra, pasi mori pjesë në samitin e thirrur enkas për vendin e tij në luftë. Ai ishte lideri i fundit që u largua nga samiti, për shkak se pati një takim edhe me Mbretin Charles III, sic njoftoi Buckingham Palace. Mbreti "priti presidentin e Ukrainës, Volodymyr Zelensky" në Sandringham House Estate në Anglinë Lindore, thuhet në deklaratë. Lideri ukrainas theksoi se është e rëndësishme ruajtja e unitetit rreth Ukrainës dhe forcimi i pozicionit të vendit në bashkëpunim me aleatët - vendet e Europës dhe Shtetet e Bashkuara. "Ukraina ka nevojë për paqe të mbështetur nga garanci të forta sigurie. I jam mirënjohës Britanisë së Madhe për mbështetjen dhe bashkëpunimin e saj të vazhdueshëm për të sjellë paqen në Ukrainë", tha Zelensky.