Kongresi i El Salvador aprovoi sot ligjin për të pranuar Bitcoin si valutë e ligjshme në vendin amerikano-latin. Maxhoranca prej 62 nga 84 deputetë aprovuan ligjin e propozuar nga presidenti Bukele javës që shkoi, duke u bërë vendi i parë amerikano-latin që e bën këtë. Bukele ka thënë se përdorimi i Bitcoin mund të ndihmojë në dërgimin e remitancave të salvadorianëve që jetojnë jashtë vendit, por shton se dollari amerikan do të vazhdojë të mbetet valutë e ligjshme. “Po sjell një përfshirje financiare, investim, turizëm e inovacion për vendin tonë”, shkruante presidenti para votës, duke shtuar se përdorimi i Bitcoin do të jetë opsional, dhe nuk do të rrezikojë përdoruesit. Ligji hyn në fuqi brenda 90 ditëve. Por ekspertët thonë se lëvizja me Bitcoin mund të komplikojë bisedimet e vendit me FMN, nga të cilët El Salvador kërkon një program ndihme prej $1 miliardë.