Italia është shtëpia e numrit më të madh të “stacioneve policore” jozyrtare kineze në nivel global, thuhet në një raport nga një grup spanjoll për të drejtat e njeriut. Safeguard Defenders tha të hënën se kishte identifikuar 48 stacione të tjera, 11 prej të cilave janë në Itali, me të tjera të vendosura në Kroaci, Serbi dhe Rumani . Në raport thuhej gjithashtu se bashkëpunimi i qeverisë italiane me qeverinë qendrore kineze kontribuoi drejtpërdrejt në ngritjen e këtyre stacioneve në vitin 2016. Italia është shtëpia e 330,000 qytetarëve kinezë, sipas shifrave të vitit 2021 nga agjencia kombëtare e statistikave. Stacionet janë në Romë, Milano, Bolzano, Venecia, Firence, Prato - një qytet afër Firences që pret numrin më të madh të emigrantëve kinezë dhe Siçili. Zbulimet e reja pasojnë një raport të lëshuar nga Safeguard Defenders në shtator mbi stacionet e policisë kineze jashtë vendit. Ai raport ekspozoi 54 stacione në mbarë botën, por kryesisht në Evropë. Të dhënat e reja e çojnë numrin e stacioneve të tilla në më shumë se 100. Stacionet ofrojnë shërbime administrative, por kanë qenë gjithashtu aktive në "policimin e fshehtë dhe të paligjshëm", deklaroi organizata në atë kohë. Të ashtuquajturat stacione shërbimi jashtë shtetit ofrojnë shërbime diplomatike për qytetarët kinezë, të tilla si rinovimi i lejeve të drejtimit të tyre - por ato gjithashtu përpiqen t'u mbyllin gojën disidentëve kinezë në Evropë. Safeguard Defenders thotw se këto stacione jozyrtare policore përdoren nga Kina për të “kërcënuar dhe detyruar kinezët që të kthehen në Kinë, shtet ku do të ndiqen penalisht”. Pamjet: AFP