Presidenti i Ukrainës, Volodymyr Zelensky, publikoi një video ku shfaqet një dron rus duke ndjekur dhe sulmuar një shitës ambulant civil në Kherson, duke e cilësuar ngjarjen si një provë të "safarit njerëzor" dhe një krim barbar lufte. Viktima, i identifikuar si Yuri 52 vjeç, mbijetoi pavarësisht se mori plagë të shumta nga shpërthimiEFEKTE Videoja tregon dronin duke ndjekur 52-vjeçarin rreth furgonit të tij me perime. Për t'i treguar operatorit rus se ishte civil, Yuri i ngriti dronit koka hudhre përpara se mjeti fluturues të përplasej dhe të shpërthente mbi të. Ekipi i BBC Verify konfirmoi se ngjarja ka ndodhur në një zonë tregu në lagjen Tavriisky në veri të qytetit të Khersonit, i cili ndodhet vetëm pak kilometra larg vijës së frontit. Ministri i Jashtëm ukrainas, Andrii Sybiha, deklaroi se sulmet ndaj civilëve me dronë janë një strategji sistematike dhe e qëllimshme ruse për të terrorizuar popullsinë. Në një intervistë me Administratën Shtetërore Rajonale të Khersonit, 52-vjeçari Yuri thotë se po përpiqej t'i tregonte operatorit të dronit "dy koka hudhre" për të provuar se nuk ishte i armatosur përpara se të niste të vraponte për t’ju shmangur goditjes nga droni.