Me çertifikim e rezultatit final të zgjedhjeve parlamentare të 11 majit nis numërimi mbrapsht për partitë politike për të depozituar pranë Komisionit Qendror të Zgjedhjeve deklarimin e shpenzimeve në fushatë. Interesi më i madh është të paratë e shpenzuara nga socialistët dhe demokratët, si dy forcat kryesore politike ne vend. Mes parave të shpenzuara nga demokratët janë edhe ato për lobistin Chirs LaCivita, për faturën e të cilit Sali Berisha gjithmonë është treguar i rezervuar për të treguar se sa para i dha magjistarit elektoral që nuk e riktheu në pushtet. Por, mesa duket fatura do të vijojë të jete mister edhe për pak kohë. Ju garantoj se ajo kontratë, me të gjitha burimet se ku është marrë çdo qindarkë, do bëhet publike ditën që do përmbushet detyrimi ligjor i dorëzimit të saj në KQZ, siç na detyron ligji. Sali Berisha ka afat deri në fund të muajit tetor, pasi deklarimi duhet te behet 60 ditë pas miratimit të rezultatit përfundimtar të zgjedhjeve, por krahas shpenzimeve të partive, janë edhe ato të kandidatëve për deputet disa prej te cilëve e kanë ezauruar këtë procedurë duke i treguar KQZ-së se xhepat e tyre. Në analizën financiare te deklarimeve të kandidatëve të listës së Partisë Socialistë rezulton që mes emrave me më shumë para të shpenzuara është Olsi Komici ish komisioneri i Vettingut të gjyqtarëve dhe prokuroreve, nga shtatori deputet i Elbasanit. Ai pranon se ka shpenzuar mbi 25 mije euro në fushatë. Kandidatja me e votuar e qarkut Elbasan Sara Mila ka deklaruar 9 mijë euro ndërsa Vlora rezulton te jetë qarku ku socialistet që garonin ne listë të hapur janë investuar me shume me burime financiare. Ardit Bido raporton rreth 20 mije euro, ndërsa Damianin Gjiknurin 10 mije euro. Ministri i Drejtësisë si drejues politik i Lezhës ka shpenzuar vetëm 3 mije euro. Në radhët e demokratëve me shume para rezulton të ketë hedhur për fushatë Gjin Gjoni, në total 10 mije euro, pasuar nga Belind Këllici, i cili ndonëse në listë të sigurtë nuk është treguar i kursyer në fushatë pasi ai rezulton që të ketë shpenzuar rreth 8 mijë euro, pjesa m tw madhe e ka donacion. Më modest ne shifra a janë treguar Jozefia Topalli dhe Agron Gjekmarkaj Me 1 mije e 500 uuro. Sali Berisha deklaron zero shpenzime pasi për të ka hapur thesin partia, njëjtë si Edi Paloka, Flamur Noka, ndërsa në kampin rozë mes emrave me zero para figurojnë Endrit Braimllari i dhe Zegjine Ccaushi. Për Edi Ramën nuk ka ende asnjë dokument te pasqyruar. Në fund të afatit ligjor, të gjitha paratë e deklaruara do të jenë objekt auditimi nga ana e Komisioni Qendror te Zgjedhjeve , ku në rast mospërputhje shifrash, kandidatët por edhe partia do të përballet me gjoba.