Lufta në Ukrainë arriti ditën e 1070-të dhe ndërsa Italia ratifikoi vendimin për zgjatjen e dërgesës së armëve në Kiev deri më 31 dhjetor 2025, Bashkimi Europian u ka bërë thirrje vendeve anëtare të ndalojnë shitjen e telekomandave të video-lojërave Rusi. Arsyeja është se ato "përdoren për të kontrolluar dronët luftarakë”. Njësitë e Forcave Ajrore të Ukrainës, në bashkëpunim me komponentë të tjerë të Forcave të Mbrojtjes së Ukrainës, kanë goditur magazinat për ruajtjen e dronëve sulmues në rajonin Oriol të Federatës Ruse. Por ata ankohen se ushtria ruse ka gjetur një “zgjidhje” tjetër, duke përshtatur telekomandat e videolojërave për të komanduar objektet ajrore të sulmit. Brukseli të martën rinovoi sanksionet ndaj Moskës, pasi Hungaria hoqi veton, ndërsa Kremlini thotë se është duke pritur për "sinjale" nga Shtetet e Bashkuara për një takim të mundshëm midis Putinit dhe Trump. Zelensky megjithatë nuk ka besim dhe u shpreh se lideri rus po përpiqet të "manipulojë" presidentin amerikan me deklaratat e tij për gatishmërinë për të zhvilluar bisedime me Shtetet e Bashkuara.