14 të vdekur e 117 të plagosur është bilanci tragjik i sulmit që Rusdia ndërmori gjatë natës ndaj kryeqytetit Kiev, vetëm pak përpara se në Turqi të nisë punimet një samit kyc i vendeve anëtare të NATO-s. Shefi i administratës ushtarake të rajonit të Kievit, Tymur Tkachenko tha se fatkeqesisht, numri i viktimave mund të rritet akoma edhe më tej, teksa operacionet e kërkim-shpëtimit vazhdojnë. Ai shtoi se dhjetëra persona janë shtruar në spital, mes tyre edhe disa fëmijë. Vetë Ministria ruse e Mbrojtjes konfirmoi se përdori armë me rreze të gjatë veprimi dhe dronë për të goditjen e kryeqytetit ukrainas dhe zonave përreth, ndërsa ka shënjestruar edhe aeroporte ushtarake në disa rajone të tjera të Ukrainës. Episodi i rëndë e shtyu presidentin Volodimir Zelensky t`i bëjë thirrje vendeve të NATO-s të marrin masa të forta ndaj Moskës.