Forcat ruse kanë kryer një nga sulmet ajrore më të ashpra gjatë natës në Ukrainë, ku në shënjestër ishte infrastruktura energjetike, por u dëmtuan edhe civilët. Dy punëtorë janë vrarë dhe tre të tjerë janë plagosur gjatë sulmit në një depo hekurudhore në rajonin qendror, Dnipro. Shërbimi i emergjencave shtetërore të Ukrainës tha se sulmi me dron në orët e para të mëngjesit goditi një ndërtesë shumëkatëshe, makina dhe një qendër tregtare në qytet. Ministri ukrainas i Energjisë, German Galushenko, njoftoi se "një sulm masiv ndaj sistemit të energjisë elektrike u zhvillua gjatë natës" dhe se forcat ruse po "sulmojnë objektet e prodhimit dhe transmetimit të energjisë elektrike në të gjithë vendin". Autoritetet lokale dhe mediat ukrainase raportuan shpërthime të shumta në të gjithë territorin, veçanërisht në jug në Zaporizhia, Odesa, Mikolaiv dhe Çernihiv.