Zyrtarët rusë publikuan sot imazhe që pretendohej të tregonin Darya Trepova, të dyshuarën kryesore të një atentati terrorist në një kafe të Shën Petersburg ku u vra një komentues i njohur ushtarak. Pamjet tregojnë gruan që shoqërohet në ashensor nga burra në uniforma të errëta, e akuzuar se është porositur nga inteligjenca e Ukrainës për të kryer aktin. Propagandisti rus Vladlen Tatarsky është vrarë dje në një atentat të sofistikuar kur një statujë që i dhuruan në një event publik ka shpërthyer duke e lënë të vdekur. Shperthimi ka plagosur të paktën 25 të tjerë në nje kafene nw Shën Petersburg. Komentatori i zëshëm i Putin, emri i vërtetë i të cilit është Maxim Fomin, mori dhuratë një statujë nga një grua e paemëruar, disa minuta para se mjeti të shpërthente fuqishëm në një në një mbledhje politike. Rusia fajëson inteligjencën ukrainase për atentatin ndërsa deri tani asnjë grup nuk ka marrë përsipër aktin që është vrasja e dytë politike brenda në Rusi të eksponentëve të luftës. Në komentet në video, një dëshmitar thotë se gruaja identifikohej si Nastya dhe kishte këmbyer disa pyetje me Tatarsky gjatë diskutimit. Dëshmitarja Alisa Smotrova, citonte Nastya të kishte thënë se i kishte bërë dhurate një statujë oratorit. Të tjera video tregonin nga jashtë impaktin e shpërthimit që rrafshoi xhamat e barit dhe përgjaku ambjentet e brendshme. Hetuesit nuk përjashtojnë mundësinë që eksplozivi të ishte vendosur në kafe para nisjes së eventit politik.