Ambasadorja amerikane në selinë e NATO-s, Julianne Smith ngriti shqetësimin se Rusia po përpiqet që të destabilizojë Ballkanin Perëndmor përmes metodave klasike. Ajo I bëri deklaratat një ditë para takimit të ministrave të Jashtë të Nato-s që do të mblidhen për dy ditë në Bruksel. “Kur është fjala për aktivitetet e Rusisë, ne kemi parë prej disa vitesh përpjekje klasike të saj për të destabilizuar rajonin përmes sulmeve hibride. Rusia përdor një listë klasike të mjeteve, ku fokusi kryesor është fushata e dezinformimit që ka për qëllim nxitjen e ndarjeve dhe destabilizimin. Ndarjeve mes aleatëve, ndarjeve mes SHBA-së dhe partnerëve në rajon dhe mes aleatëve evropianë.”, tha ajo ndërs shtoi se SHBA po monitoron me kujdes situatën dhe se po bashkëpunon ngusht me vendet alerate të NATO-s në rajon për të mos lejuar Rusinë që të ndërmarrë veprime të mëtejshme. Prej kohësh Shtetet e Bashkuara po mbajnë nën kontroll situatën në Kosovë dhe Bosnjë Hercegovinë. Dy shtete këto ku rusët përmes lidhejve të tyre me serbët po përpiqen të krijojnë trazira. Madje nga na tjetër dhe media Italiane Europa Today, duke iu referuar mesazhit të presidentit Vuçiç që fliste për kohët e vështira të popullit të Serbisë dhe që zotohej se do të luftonte për fitoren e tij, ngritën alarmin se në Ballkan po fryjnë erëra të rrezikshme dhe se në Ballkan mund të rikthehet konflikti Pamjet: AFP