Numri i viktimave të sulmit në sallën e koncerteve në Moskë ka arritur në 144, ndërkohë që Komiteti Hetues i Rusisë ka përsëritur pretendimet se të dyshuarit e akuzuar për vrasjen e më shumë se 140 pjesëmarrësve në sallën e koncertit në Moskë më 22 mars po udhëtonin drejt kufirit me Ukrainën për të marrë madje shpërblim monetar nga Kievi. Deklarata kësaj here u bë nga Svetlana Petrenko, zëdhënësja e Komitetit Hetues të Rusisë, e cila nuk dha detaje apo prova të pretendimeve të tij, ndërkohë që përgjegjësinë për të e kanë marrë përsipër militantët e ISIS. Ukraina dhe Perëndimi i kanë hedhur poshtë vazhdimisht pretendimet, duke akuzuar Moskën se po kërkon të shfrytëzojë tragjedinë për qëllimet e tyre. Rusia ka arrestuar 12 persona në lidhje me masakrën, ndërkohë që nëntë prej tyre janë dërguar në paraburgim. Ndërkohë edhe autoritetet në Taxhikistan kanë arrestuar nëntë persona pasi dyshohen se kanë lidhje me Shtetin Islamik. Pamjet; AFP