Në kërkim të partnerëve të rinj tregtar dhe aleatëve politik pas sulmit ndaj Ukrainës, Rusia po I afrohet gjithnjë e më shumë Kubës. Një tentativë kjo e mirëpritur nga qeveria kubaneze e cila po përballet me krizën më të keqe ekonomike. Gjatë vitit 2023, zyrtarët rus kanë shpeshtuar vizitat në ishullin e Karaibeve. Ndërkohë Havana ka shtruar tapetin e kuq për ministrin e Jashtëm Sergei Lavrov, këshilltarin ekonomik të Presidencës, Maxim Oreshkin, përfaqësuesin e biznesmenëve rusë para Kremlinit, Boris Titov dhe zëvendëskryeministrin Dmitry Chernyshenko. Javën e kaluar, Chernyshenko kërkoi përshpejtim të bashkëpunimit me Kubën, që po vuan mungesën e ushqimeve, ilaçeve dhe karburanbtit. Ndërkohë në kuadër të kësaj kërkese përfaqësuesit e 50 kompanive ruse eksploruan zonën dhe panë mundësinë e investimeve në ishull.