Rusia po kërkon ta fshijë Bakhmutin nga faqja e dheut, sipas autoriteteve ukrainase. Kievi zyrtar e akuzoi Moskën se është duke e sulmuar me bomba fosfori qytetin e rrethuar prej muajsh, e të kthyer në një symbol të rezistencës se forcave të tij. Bombat me fosfor në vetevete nuk janë të ndaluara, por përdorimi i tyre në zona të banuara nga civilë konsiderohet krim lufte. Armë të tilla krijojnë zjarre të shpejta, të cilat është e vështirë të lokalizohen. Të tilla akuza nuk janë një risi për Moskën; trupat ruse është thënë se kanë përdorur bomba të ngjashme edhe në qytetin ukrainas të Mariupolit, ku gjithashtu lanë pas një vazhdë të gjatë shkatërrimesh. Ushtria ruse Lufton prej muajsh për marrjen e Bakhmutit, pavarësisht pikëpyetjeve që rrethojnë rëndësinë e tij të vërtetë strategjike. Zyrtarët perëndimorë thonë se mijëra trupa ushtarake të Moskës kanë humbur jetën atje, për shkak të luftimeve. Përmes një postimi në Tëitter, Ministria ukrainase e Mbrojtjes deklaroi se sulmet me fosfor të bardhë kanë shënjestruar “zonat e papushtuara”. Sipas Komandës së forcave speciale të Kievit, qëllimi i Moskes është ta shkatërrojë krejtësisht qytetin”. Fosfori i bardhë ndizet në 800 gradë Celsius, duke shkaktuar djegie të rënda, nëse prek trupin e njeriut. Rusia është nënshkruese e Konventës për disa lloje armësh konvencionale, e cila ndalon përdorimin e tyre në zonat e banuara me civilë.