Ligjvënësit rusë avancuan të martën një projekt-ligj për të krijuar një sistem dixhital të njoftimit të rekrutimit, i cili mund t'i ndalojë burrat të largohen nga Rusia, ndërsa lufta e Moskës në Ukrainë hyn në vitin e dytë. Vitin e kaluar, urdhri i presidentit Vladimir Putin për të thirrur qindra mijëra burra për të rritur forcat e rregullta në Ukrainë, nisi një eksod, me dhjetëra mijëra që nxituan të largoheshin nga vendi. Legjislacioni i ri që u miratua në leximin e dytë dhe të tretë të martën do ta bëjë shmangien nga drafti dhe ikjen shumë më të vështirë, thonë vëzhguesit. Edhe disa ligjvënës miqësorë të Kremlinit u ankuan se legjislacioni u nxitua dhe u miratua "nën një vello fshehtwsie". Aktualisht draft njoftimet duhet të dorëzohen personalisht dhe shumë burra rusë kanë arritur t'i shmangen njoftimeve duke refuzuar të marrin urdhrat e tyre të regjistrimit dhe duke ikur. Me ligjin e ri një të rekrutuari tani mund t’i ndalohet të udhëtojë jashtë vendit dhe do të duhet të raportojë në një zyrë regjistrimi pasi të merren letrat e thirrjes elektronike. Ndryshimet e propozuara vijnë muaj pasi Putin urdhëroi në shtator një thirrje ushtarake "të pjesshme" për të rritur trupat e rregullta që luftojnë në Ukrainë, në atë që është bërë mobilizimi i parë ushtarak në Rusi që nga Lufta e Dytë Botërore. Projektligji duhet të mbështetet nga senatorët dhe të nënshkruhet nga Putin për t'u bërë ligj. Pamjet: AFP