Bashkimi Evropian duket se e ka gjetur një zgjidhje për të furnizuar me armë Ukrainën. Liderët europianë kanë rënë dakord në parim që të për të furnizuar me armatime Rusinë të përdoren fondet e aseteve të ngrira ruse. Sipas Zerit të Amerikës, Banka qendrore e Rusisë kishte llogari bankare dhe pasuri prej miliarda dollarësh në institucionet dhe kompanitë perëndimore, të ngrira nga Perëndimi pasi Moska filloi sulmin në Ukrainë në shkurt të vitit 2022. Rreth 70% e këtyre pasurive, me vlerë rreth 200 miliardë dollarë, mbahen në Bruksel në bankën Euroclear. Shtetet e Bashkuara, së bashku me Britaninë dhe Kanadanë, kanë kërkuar që këto pasuri të sekuestrohen plotësisht dhe të përdoren për të ndihmuar Kievin në përballjen me forcat ruse, por ambasadorët evropianë në Bruksel ranë dakord në parim për të përdorur vetëm interesat e mbledhura nga pasuritë ruse. Marrëveshja duhet të miratohet nga ministrat e financave të BE-së që do të takohen javën e ardhshme. Zyrtarët e BE-shpresojnë që marrëveshja do të zbatohet plotësisht në qershor. Ky është edhe momenti kur Hungaria do të marrë presidencën e radhës të Bashkimit Evropian. Ndërsa Budapesti përpiqet të mbajë marrëdhënie të ngushta me Rusinë, ka shqetësime se mund ta bllokojë këtë marrëveshje, nëse ajo nuk është miratuar plotësisht deri në atë moment. Vendimi i BE-së është diktuar nga kërkesat e vazhdueshme të Ukrainës për armatime, por edhe nga ofensiva më agresive e forcave ruse. Presidenti Zelensky deklaroi se më 10 maj ushtria ukrainase zmbrapsi një sulm të ushtrisë ruse që synonte të vendoste kontrollin mbi Harkiv. Pamjet: AFP