Lufta mes Rusisë dhe Ukrainës ka njohur një tjetër moment të rëndësishëm humanitar, pasi të dyja palët realizuan një shkëmbim të ri të të burgosurve të luftës, në kuadër të negociatave të ndërmjetësuara nga Donald Trump. Sipas autoriteteve ukrainase dhe ruse, 205 ushtarakë nga secila palë u kthyen në vendet e tyre gjatë operacionit të fundit të shkëmbimit. Presidenti ukrainas Volodymyr Zelensky deklaroi në rrjetet sociale se shumica e ushtarëve ukrainas kishin qenë në robëri që prej vitit 2022, në muajt e parë të nisjes së pushtimit rus.