Një person ka humbur jetën dhe shtatë të tjerë janë plagosur nga një sulm rus në qytetin lindor të Ukrainës. Ngjarja ka ndodhur mëngjesin e kësaj të mërkure, ku forcat ruse hodhëj katër mbomba në rajonin e Donetskut. Kreu rajonal thotë se 34 banesa, një ndërtesë administrative, tre linja elektrike dhe tre tubacione gazi janë dëmtuar gjatë grevës dhe shton se një person tjetër mund të jetë nën rrënojat e një prej shtëpive të shkatërruara. Nga ana tjetër Rusia nuk ka komentuar sulmin. Më 24 shkurt shënohen 3 vite luftë. Gjatë javës SHBA dhe Rusia zhvilluan bisedime për dhënien fund të luftës në Arabinë Saudite, por Ukraina nuk ishte pjesë. Ky takim duket se acaroi marrëdhëniet mes Amerikës dhe Ukrainës, ku presidenti Zelensky tha se asnjë vendim nuk mund të merret pa Ukrainën lidhur me përfundimin e luftës. Kjo deklaratë nuk mbeti pa u komentuar nga presidenti i SHBA-së, Donald Trump, i cili e quajti Zelenskyn ‘diktator’.