Pak orë pasi Donald Trump kritikoi Ukrainën për sulmet ndaj sistemeve të energjisë në Rusi dhe veçanërisht ndaj impianteve të naftës, reagoi Zelensky duke thënë se është gati ta pranojë propozimin e Trump. Më herët presidenti amerikan kishte deklaruar se "Problemi me Ukrainën dhe Rusinë është se një pjesë e madhe e naftës vjen nga Moska, dhe kjo sipas tij është ajo që po shkakton një rritje të madhe të importeve, për shkak se fabrikat ruse po goditen nga Ukraina”. Ai shtoi se “I kishte kërkuar Presidentit Zelensky të mos godasë fabrikat dhe rafineritë e naftës ". Nga ana tjetër presidenti i Ukrainës shprehu dyshime nëse Kremlini do ta respektonte kërkesën e Trump, por u kujdes të saktësonte se "Nëse partnerët amerikanë arrijnë të sigurojnë një gatishmëri të vërtetë nga Rusia për të ndaluar këtë luftë shkatërrimi jetësh, atëherë Ukraina do të ndërmarrë hapat e saj për deeskalimin e situatës dhe për t’I dhënë fund sulmeve mbi infrastrukturën energjetike." Nga Moska nuk pati asnjë reagim zyrtar, ndërsa mediat ndërkombëtare raportonin se Putin ishte ende i pavendosur për të pranuar një marrëveshje mbi ndalimin e sulmeve në sistemin energjetik.