Marklen Haka i arrestuar sot në Nikël, është ndër personazhet e njohur të botës së krimit, i njohur kryesisht, për tentativën për të vrarë mikun e tij, Durim Bamin. Ai ra “pre” e rrjetit “Sky”, i cili e nxori zbuluar në planet që bënte për eliminimin e Durim Bamit me porosi të Arben Ndokës. Akuzat që rëndojnë mbi Marklen Hakën janw “Vrasje me paramendim” e mbetur ne tentativë, në dëm të shtetasit Durim Bami, ngjarje e ndodhur në datën 04.11.2020 në qytetin e Tiranës, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale. “Sigurimi i kushteve dhe i mjeteve materiale për të kryer vrasje”, në dëm të shtetasit Durim Bami, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “pjesëmarrje në grup të strukturuar kriminal”. “Mbajtja pa leje dhe prodhimi i armëve, armëve shpërthyese dhe municionit”, në bashkëpunim në formën e “Grupit të strukturuar kriminal”.