Top Channel/ Rritje e frikshme, ekspertët: Deri në 2050 prekën më shumë se 1 mld njerëz nga diabeti

Ekspertët e shëndetit janë të alarmuar për shkak të shtimit të numrit të diabetikëve në të gjithë botën. Në një studim të fundit të botuar në revistën e shëndetit “Lancet” parashikohet që deri në vitin 2050-të, 1,3 miliardë njerëz në botë të prekën nga kjo sëmundje. Gjetjet e studimit bazohen në analizën e të dhënave nga më shumë se 27 000 burime në 204 vende dhe territore. Kjo do të thotë se në mbarë botën, numri i njerëzve me diabet, sëmundje kronike që zhvillohet kur niveli I sheqerit në gjak është shumë i lartë, do të dyfishohet gjatë tre dekadave të ardhshme. Sipas të dhënave nga Qendrat për Kontrollin dhe Parandalimin e Sëmundjeve, më shumë se 37 milionë persona në SHBA kanë diabet. Studiuesit zbuluan se rreth 96 për qind e njerëzve në mbarë botën që kishin diabet në 2021 kishin tip 2, duke vënë në dukje se prevalenca në rritje e diabetit të tipit 2 në mbarë botën është ”kryesisht për shkak të rritjes së obezitetit”. Për ekspertët e shendetit, përhapja e vazhdueshme globale e diabetit paraqet një sfidë të madhe të shëndetit publik për politikëbërësit. Pamjet: AFP