Top Channel/ Rriten tensionet. Irani konfiskon anijen që ka lidhje me Izraelin. Vjen përgjigja rrufe!

Zgjerimi i konfliktit në Lindjen e Mesme është më i mundur se kurrë. Ndërsa pjesëtarë të Gardës Revolucionare të Iranit deklaruan se kanë konfiskuar një anije me mallra afër Ngushticës së Hormuzit, që ka lidhje me Izraelin ka ardhur edhe përgjigja e ushtrisë izraelite. Zëdhënësi i ushtrisë izraelite, Daniel Hagari tha të shtunën se "Irani do të vuajë pasojat nëse e përshkallëzon më tej situatën". “Izraeli është në gatishmëri të lartë. Ne kemi rritur gatishmërinë për të mbrojtur Izraelin nga agresioni i mëtejshëm iranian. Ne jemi gjithashtu të përgatitur të përgjigjemi”, shtoi zëdhënësi Hagari në një deklaratë video. Izraeli është në gatishmëri të lartë për një sulm të mundshëm iranian që kur dy gjeneralë iranianë u vranë nga një sulm ajror në kryeqytetin sirian Damask javën e kaluar. Irani ka fajësuar Izraelin për sulmin dhe është zotuar për hakmarrje. Ndaj Izraelit kanë hedhur seri raketash këtë të shtunë edhe militantët e Hezbollahut në Liban që mbështeten nga Irani, duke e tensionuar më shumë situatën. Deklaratave të Iranit për sulm të mundshëm, Izraeli thotë se do ti përgjigjet, ndërkohë që ka marrë edhe mbështetej ne Shteteve të Bashkura të Amerikës. Presidenti amerikan Joe Biden ka deklaruar se angazhimi i SHBA-së ndaj sigurisë së Izraelit është i palëkundur. Pamjet: AFP