Vetëm pak sekonda zgjati gjithçka. Një Phantom-i i Forcave Ajrore Greke shfaqet në sfond gjatë demonstrimit ajror, në xhirrOn e tij të dytë pasi kishte kaluar mbi pistë , humbet lartësi dhe përplaset me tokën. Menjëherë pas goditjes, avioni shpërthen në flakë. Tragjedia ndodhi para syve të mijëra spektatorëve në bazën ajrore të Tanagrës, gjatë Athens Flying Week, një prej demonstrimeve më të mëdha ajrore në Greqi, që organizohet çdo shtator. Avioni u nda në dy pjesë pas përplasjes mbi një fabrikë të vjetër, ndërsa karburanti shkaktoi zjarr edhe në një zonë pyjore. Demonstrimi ajror u ndërpre menjëherë dhe filloi një operacion për fikjen e zjarrit dhe për vendin se ku ndodheshin dy pilotëtë, të cilët u gjetën të vdekur. Bëhet fjalë për një Phantom 2 të tipit F-4E, versioni i modernizuar i Forcave Ajrore Greke. Greqia mori avionët e parë F-4 në vitin 1974 me vlerë gati 2,4 mln dollarë secilin në atë kohë. Kjo do të thotë se shumë prej tyre që fluturojnë ende sot janë avionë rreth 50-vjeçarë, megjithëse sistemet e tyre elektronike janë modernizuar. Në fund të viteve ’90 Greqia nisi programin “Peace Icarus 2000” me një kosto prej ,rreth 315 milionë dollarë, që përfshinte radar të ri, kompjuter misioni, sisteme moderne navigimi dhe mundësi përdorimi të armatimeve më të avancuara. Phantom-ët grekë që kanë mbetur në shërbim , 17 gjithësej dhe jo të gjithë në dispozicion për fluturim, i përkasin Skuadriljes 338 “Ares”, të bazës së Andravidhas . Phantom-4E është një avion me dy vende dhe dy motorë, që mund të arrijë shpejtësi mbi 2.300 kilometra në orë. Skuadrilja në fjalë po shfaqej në Tanagra në një periudhë kur Greqia po i afrohet gradualisht fundit të përdorimit të këtij avioni legjendar, pas më shumë se gjysmë shekulli shërbimi për tu zëvendësuar me avionët modernë amerikanë F35. Shkaqet e aksidentit mbeten ende të panjohura dhe Forcat Ajrore Greke kanë nisur hetimin.