Policia indiane tha se një persona rezulton të ketë shpëtuar nga rrëzimi i aeroplanit Air India. I mbijetuari u gjet në sediljen 11A të kabinës “dhe po merr trajtim mjekësor në spital”, tha shefi i policisë. Komisari i Policisë së Ahmedabadi, tha se kishte një të mbijetuar, i cili ishte në vendin 11A në bordin e avionit. Duke folur për agjencitë e lajmeve shefi i policisë tha se i mbijetuari “ka qenë në spital dhe është nën trajtim”. Manifesti i fluturimit i ndarë më parë nga autoritetet thotë se pasagjeri ishte Vishwash Kumar Ramesh dhe se ai është britanik. Mediat indiane thonë se kanë folur me pasagjerin në spital. Ai ndau kartën e tij të imbarkimit ku tregohej emri i tij dhe numri i vendit 11A. Ata e raportuan komentin e tij duke thënë: “Tridhjetë sekonda pas ngritjes, pati një zhurmë të fortë dhe pastaj aeroplani u rrëzua. E gjitha ndodhi kaq shpejt.” Sipas kompanisë Air India, avioni, që u nis nga Ahmedabad për në Londër në orën 13:38 me orën lokale, kishte në bord 169 shtetas indianë, 53 britanikë, 7 portugezë dhe 1 kanadez.