Shoqata indiane e mjekëve FAIMA, njoftoi se rreth 50 apo 60 studentë mjekësie u dërguan me urgjencë në spital pasi avioni i Air India, që ra në një zonë rezidenciale, goditi dhe një konvikt mjekësh. Sipas FAIMA-s, pesë studentë janë të zhdukur dhe të paktën dy janë të shtruar ne një reparti të kujdesit intensiv. Të zhdukur figurojnë edhe të afërm të disa mjekëve. Darshna Vaghela, një politikane lokale, it ha BBDC-së se kishte qenë në zyrë në momentin kur ndodhi aksidenti tragjik. “Dëgjuam një zhurmë të tmerrshme”, pohoi ajo. Politikania thekoi më tej se kishin vrapuar të ndihmonin mjekët ë bllokuar në dhomat e tyre, ndërsa të afërm të shqetësuar kërkojnë informacione nëpër spitalet përreth Ahmedabadit. Një burrë, Poonam Patel, i cili ndodhet në Spitalin Civil të këtij qyteti, i tha agjencisë së lajmeve ANI se në avionin fatkeq, ndodhej kunata e tij e cila ishte nisur drejt Londrës. "Brenda një ore, mora lajmin se avioni ishte rrëzuar. Erdha sa më shpejt që munda”, u shpreh ai. Aktualisht, nuk ka asnjë shpresë për të mbijetuar në bordin e Boingut 787 Dreamliner. Sipas FAIMA-s, shumica e pasagjerëve janë dërguar në spitale të vdekur. Po kështu, ka viktima edhe mes vendavse në terren, duke qenë se avioni ra në një zonë të banuar. Shifrat e sakta të viktimave ende po përcaktohen", sipas Associated Press.