Shtatë mjete lundruese janë sekuestruar nga policia pasi kryenin manovra të rrezikshme në afërsi të plazheve. Aksioni u shtri në të gjithë vijnë bregdetare, ku gjatë patrullimeve të ushtruara nga uniformat blu në plazhin e Dhërmiut dhe atë të Vlorës u konstatua nga policia një Jet Ski dhe një skaf që nuk kishin kryer procedurat e regjistrimit. Lidhur me rastin policia ndëshkoi me 20 mijë lekë gjobë të dy drejtuesit. Ndërkohë në plazhin e Kunes në Shëngjin, u bllokuan tre Jet ski pasi po kryenin manovra të rrezikshme në afërsi të plazheve duke rrezikuar jetën e pushuesve. Ndërkohë u ndëshkuan me 100 mijë lekë drejtuesit. Edhe në zonën e gjirit të Lalzit, në Durrës, uniformat blu bllokuan një mjet lundrues pasi nuk kishte dokumentacionin e nevojshëm për lundrim. Nga muaji maj deri më tani, nga ana e policisë kufitare janë sekuestruar 48 mjete të ndryshme lundruese pasi janë kapur në paligjshëmri.