Pamje të publikuara sot nga kërkues të Universitetit britanik të ‘East Anglia’ tregonin zbulimin e rrënojës së një anijeje të shekullit të 17-të pranë brigjeve të Norfolk në verilindje të vendit. Sipas raportimeve anija e fundosur mbante në bord atë që do të bëhej më pas mbreti James II -- i cili kishte mbijetuar. Zbulimi është vlerësuar nga universiteti si një "shembull i veçantë i trashëgimisë kulturore nënujore, me rëndësi kombëtare”. Anija raportohet se ishte bllokuar në cekësirë me 6 maj, 1682, dhe pas braktisjes mbeti gjysmë e varrosur në rërë. Vendndodhja e saj kishte mbetur e panjohur derisa vëllezërit Julian e Lincoln Barnwell arritën ta zbulonin pas një kërkimi prej rreth katër vitesh. Prej prestigjit të lartë të anijes dhe kontekstit politik të aksidentit, zbulimi është quajtur më i rëndësishmi pas gjetjes së anijes ‘Mary Rose’. Fundosja e anijes mbretërore në fjalë përfaqësonte një moment të rëndësishëm në historinë politike britanike, në kohën e tranzicionit fetar protestant. James do të bëhej më pas mbreti i parë kristian protestant i Britanisë, dhe një vdekje e mundshme e tij në aksidentin detar do të çonte në shpërthim tensionet politike.