Ministria rumune e mbrojtjes publikonte sot pamje të testimit nga ushtria të raketa-lëshueseve të sjella së fundmi nga SHBA. Uashingtoni nisi të shpërndajë kapacitetin e fuqishëm raketor për vendet lindore të NATO-s prej vitit 2021. Ushtria rumune kryente manovrat e fundit në kampin stërvitor Capu Midia. Zyrtarët rumunë thanë se manovrat u kryen nga Brigada Taktike raketore bazuar në ‘skenare fiktive’. Ato kanë si qëllim praktikimin e teknikave dhe procedurave për realizimin e operacioneve të mbrojtjes bregdetare. Sipas qeverisë Rumania do të blejë tre sisteme të tilla secili me 18 lëshuese raketash, të shoqëruara me municione, mbështetje logjistike, pajisje të veçanta dhe trajnimet përkatëse. Qeveria e Romanisë thotë se realizimi i kapaciteteve të tilla të pavarura të zjarrit “është plotësim i detyrimeve të marra nga vendi pas aderimit në NATO”.