Kolegji zgjedhor vendosi rinumërimin e 18 kutive në Bashkinë e Kuçovës. Vendimi u mor pas ankesës së bërë nga kandidati I koalicionit Bashkë Fitojmë Lefter Maliqi I cili humbi garën elektorale. Kutitë pritet të rinumërohen në datë 30 qershor ndërsa anëtarët e koalicionit opozitar u shprehën të bindur se zgjedhjet në këtë bashki do të përsëriten sërish pasi ka pasur parregullsi. Ndërkohë komisioni qendror I zgjedhjeve nga ana tjetër ka propozuar datën 23 korrik për mbajtjen e zgjedhjeve në bashkinë e Rrogozhinës. Projektvendimi nëse zgjedhjet do të mbahen në këtë datë apo në një datë tjetër, do të miratohet ditën e hënë. Shkak për përsëritjen e zgjedhjeve në këtë bashki, u bë kutia e burgut, ku pas rinumërimit në KAS, rezultoi se kandidati socialist Edison Memolla kishte 21 vota më shumë se kandidati rival dhe jo 30 siç ishte shpallur rezultati.