Përveç banesave individuale dhe atyre kolektive, edhe institucionet arsimore po ringrihen ditë pas dite, më të forta e më të mëdha se ato që u dëmtuan nga tërmeti i 26 nëntorit. Dy të tilla janë shkollat “Gjokë Elezi” dhe “Demokracia” në Bashkinë Kurbin, të cilat Kryeministri i vizitoi sot, për të parë nga afër ecurinë e punimeve, i shoqëruar nga ministri i Shtetit për Rindërtimin, Arben Ahmetaj dhe nga ambasadori i Delegacioni të KE në Shqipëri, Luigi Soreca. Të dy këto shkolla po rilindin pas tërmetit me kontributin financuar të Bashkimit Europian. “Gjokë Elezi” është shkolla 9-vjeçare më e madhe në rreth, e cila falë Programit të Rindërtimit, nga dy godina të ndryshme ku zhvillohej mësimi, i ndarë sipas cikleve, do të mundësojë zhvillimin e procesit arsimor në një godinë të vetme nga cikli fillor deri në atë 9-vjeçar.