Vullkani më aktiv i Amerikës Qendrore “Fuego” është rizgjuar dhe bashkë me të frika e banorëve. Siç mund të shihni në pamjet e AFP-së, një re e madhe tymi është përhapur në ajër aq sa është parë me lehtësi edhe nga turistët në qytetin e Antiguas në Guatemala. Autoritetet e Guatemalës thonë se vullkani ndodhet në mesin e një shpërthimi. Shtylla vullkanike arriti një lartësi prej 6 kilometrash nga krateri dhe shiu i hirit ra në shtatë fshatra pranë. Ky aktivitet ka detyruar autoritetet të evakuojnë qindra njerëz si dhe të mbyllin një rrugë. Instituti i Vullkanologjisë i Guatemalës thekson se po monitoron nga afër evolucionin e aktivitetit. Vullkani ndodhet 35 kilometra larg kryeqytetit të vendit dhe është më aktivi në të gjithë Amerikën Qendrore. Në vitin 2018, si pasojë e shpërthimit të këtij vullkani humbën jetën të paktën 215 personave.