Gjermania, i vetmi vend që i ka braktisur plotësisht centralet e saj bërthamore, duket po kthen mendje. Në Berlin ka nisur të diskutohet mundësia e rinisjes nga puna të centraleve bërthamore, dhe kreu i Agjencisë Ndërkombëtare të Energjisë Atomike (IAEA), nuk e konsideron iracionale një gjë të tillë. "Mendoj se është logjike. Është një pozicion racional", deklaroi Rafael Grossi duke kujtuar se Gjermania është i vetmi vend në botë që ka eliminuar plotësisht këtë lloj energjie. Duhet të pyesni veten: Pse pjesa tjetër e botës i sheh gjërat ndryshe? Unë respektoj politikën gjermane dhe ato po kalojnë një fazë shumë komplekse. Në këtë këndvështrim, duhet ta shohim edhe ne. Prandaj dhe nuk jam i befasuar që ka një debat të ri për kthimin në energjinë bërthamore, e cila nuk lëshon pothuajse asnjë gaz serrë. Kjo është dhe arsyeja pse vendet që kanë energji bërthamore duan më shumë energji bërthamore.