Shkolla 9-vjeçare “Avni Rustemi” është shkolla e radhës në kryeqytet që sheh dritën e rikonstruksionit. Një tjetër premtim të mbajtur të Bashkisë së Tiranës, e cilësoi kryebashkiaku Veliaj nisjen e punimeve për rikonstruksionin. “Shkolla “Avni Rustemi”, një shkollë e vjetër, por një shkollë gjithashtu e amortizuar, e ndërtuar me mjete rrethanore, të varfra, të viteve të komunizmit. Vërtet ka prodhuar shumë talente, do të thotë që një talent lulëzon pavarësisht terrenit. Megjithatë, ka ardhur koha që shkolla të jetë dinjitoze si të gjitha shkollat e tjera. Madje, edhe shumë shkolla që nuk u prishën nga tërmeti, por mund të kenë pasur dëmtime të thjeshta, sigurisht që stonojnë me supershkollat e bukura që janë bërë. Prandaj i ka ardhur radha edhe “Petro Ninit”, “11 Janarit”, “Edit Durhamit”, dhe “Avni Rustemit”, që është shkolla e parë në këtë seri ku po ndërhyjmë”.