Gjatë orëve të fundit janë raportuar 12 vatra zjarri, 4 prej të cilave mbeten aktive. Për përballimin e situatës janë angazhuar, krahas strukturave vendore, 70 efektivë të Forcave të Armatosura dhe 3 helikopterë të Forcës Ajrore. Vatrat aktive mbeten në Dajt–Qafë Priskë, ku vijon puna për shuarjen dhe është konstatuar edhe një riaktivizim, me angazhimin e dhjetëra zjarrfikësve, 20 efektivëve të ushtrisë dhe 1 helikopteri. Në Vajkal të Bulqizës, ku zjarri vijon në një sipërfaqe të gjerë me shkurre e dëllinja, dhe janë angazhuar 53 forca, përfshirë 30 efektivë të Forcave të Armatosura. Në Lundre të Matit, ku zjarri vijon në sipërfaqe pyjore, me mbështetjen e 20 efektivëve të FA dhe 1 helikopteri; si dhe në Urën e Shtrenjtë, Shkodër, ku terreni i thepisur dhe mungesa e rrugëve vështirësojnë ndërhyrjen. Nën mbikëqyrje janë vatrat në Qafë të Helmës–Bulqizë, Qafën e Lugut–Vithkuq, malin e Qukësit–Prrenjas dhe Zhejë–Kurbin. Ministria e Mbrjtjes raporton se nuk ka rrezik për zonat e banuara në vatrat aktive, ndërsa vëmendja kryesore operacionale mbetet te Dajti, Vajkali dhe Lundre, për shkak të vijueshmërisë së zjarreve, terrenit të vështirë dhe nevojës për angazhim të kombinuar tokësor e ajror.