Kanë dalë këtë të shtunë rezultatet e provimit të gjuhës së huaj të Maturës Shtetërore. Kalueshmëria, sipas ministres së arsimit Evis Kushi, këtë vit ka qenë 96%. Sipas të dhënave të ministrisë, 1043 maturantë në të gjithë vendin janë vlerësuar me notë negative 4.00, ndërsa 384 kanë marrë notë maksimale 10.00. Krahasuar me një vit më parë numri i maturantëve mbetës ka qenë më i madh ndërsa numri i atyre që janë vlerësuar me notë maksimale më i vogël. Kjo pasi në provimin e Anglishtes, vitin e kaluar, 611 maturantë u vlerësuan me 10.00 dhe 861 me 4.00. “ju bëj thirrje të gjithë nxënësve dhe mësuesve që të vijojmë të respektojmë rregulloren me korrektësi maksimale dhe të garantojmë së bashku një proces mature të qetë e me standarde!”, u shpreh në rrjetet sociale ministrja e arsimit Evis Kushi.