Marrëveshja e arritur nga qeveria Meloni për të sjellë në Shqipëri një pjesë të emigrantëve që tentojnë të hyjnë në Itali përmes Mesdheut, vazhdon të ngjallë diskutime në vendin fqinj, pavarësisht fakti se pakënaqësia ndaj numrit gjithmonë e më të madh të klandestinëve atje sa vinte e rritej, dhe autoritetet gjendeshin përballë trysnisë së një zgjidhjeje. Cështja është trajtuar së fundi nga Rai3, në një reportazh të gjatë, që në kohën kur punimet për ndërtimet e dy qendrave të pritjes kanë nisur prej javësh, me synimin të strehojnë deri në 36 mijë azilkërkues në vit, pretendon të zbardhë sa më shumë detaje të ujdisë me interes për publikun Italian. E në mesin e figurave të cilavë u është dhënë zë në këtë dokumentar investigativ të medias shtetërore italiane është edhe kreu i opozitës, Sali Berisha, si dhe dhëndri i tij Jamarbër Malltezi, të cilët praktikisht, duke zgjedhur të japin intervistë për median italiane kanë shkelur masën e arrestit shtëpiak, pasi gazetari i Rai3 hyn në ambientet e banesës, cka nuk ka ndodhur më parë për mediat shqiptare. Berisha e cilësoi ndalimin e tij praktikisht një “arrest politik”. Me pretendimin se marrëveshjen për kampet e refugjatëve në Shqipëri e ka kundërshton për shkak të shkeljes së tsë drejtave të njeriut, e madje shtoi se nëse vjen në pushtet, marrëveshjen në fjaalë, ka për të rrëzuar.