Pjesa e dytë të reportazhit të Rai 3 mbi Shqipërinë, i nxitur nga marrëveshja që vendi unë vulosi me Itaninë për ngritjen e dy qendrave pritëse për emigrantët e paligjshëm, u transmetua e fokusuar sa tek ndërtimi i këtyre strukturave në terren, aq edhe tek akuza të tjera, të cilave kryeministri Edi rama nuk ka ngurruar t`i japë përgjigje. Gazetari Giorgio Mottola e spostoi këtë radhë vëmendjen tek hovi i ndërtimeve në vendin tonë dhe burimi i parave për to, duke përmendur në vecanti kullat në Tiranë. Vitin e kaluar, në sektorin e pasurive të paluajtshme, ka pasur një investim me vlerë rreth 3,7 miliardë euro, por, pak a shumë, vetëm 800 milionë vinin nga bankat. Nga vijnë paratë me të cilat ndertohen ato...pyeti gazetari. Rama i tregoi se kjo është pjesë e zhvillimit, e madje këto kulla, u kujdes të nënvizonte ai, janë vetëm fillimi, ndërsa kujtoi një zë tejet të fuqishëm në këto financime që janë remitancat e emigrantëve.