Aeroporti Ndërkombëtar i Tiranës ka thyer një tjetër rekord në qershor duke pritur më shumë se 1 milionë pasagjer. Në krahasim me vitin e kaluar, ku në të njëjtën periudhë ishin 616 mijë vizitorë rritja është me 61.6%. Përgjatë gjashtë muajve të parë TIA ka thyer çdo parashikim duke pritur 4,790,368 pasagjerë nga 2.9 milionë që ishin një vit më parë. Kjo rritje prej 65% nga viti i kaluar, pasqyron kapacitetin e zgjeruar të TIA-s, shërbimet e përmirësuara dhe investimet strategjike për të përmirësuar përvojën e pasagjerëve. Edhe zgjerimi i destinacioneve dhe shtimi i opsioneve për qytetarët ka kontribuar në këtë shifër rekord. Disa prej destinacioneve të reja, më të spikatura janë Nisa në Francë, Rodhos dhe Heraklion në Greqi, Barcelona dhe Valencia në Spanjë, Bukureshti në Rumani, Bodrum, Antalia dhe Stamboll në Turqi, Abu Dabi në Emiratet e Bashkuara Arabe si edhe një larmishmëri shumë e madhe destinacionesh drejt Italisë dhe vendeve të tjera Europiane