Komisioni Qëndroj i Zgjedhjeve avancoi përpjekjet në mundësimin e të votuarit nga diaspora duke testuar Platformës Elektronike të Regjistrimit e cila do të njihet si (PER). Fillimisht kreu KQZ Ilirian Celibashi u kujdes të hiqte shqetësimin e aspektit të sigurisë sa herë ngrihet për të tilla platforma. Kjo platform më regjistrimi do të hapet në 11 Janar deri në 11 Mars. Mund të përdoret nga faqja zyrtare e KQZ-s apo të shkarkohet njësoj si të gjitha aplikacionet e tjera përmes Apple store dhe Google store, nga tabletat apo telefonat smart. Aplikuesit fillimisht hapin llogarinë e tyre të regjistrimit, duke vendosur një numër telefoni dhe emaili dhe marrin prej KQZ një kod aktivizimi 6 shifror. Aplikanti krijon një fjalëkalim (password) 8 karaktere. Më tej vendosen të dhënat të njëjta me ato të pasaportës apo kartës ID. Hapi i dytë është dalja dhe futja përsëri në aplikacion për të skanuar më pas nga telefoni pasaportën ose kartën ID. Hapi i fundit është bashkëlidhja në aplikacion dokumenteve që vërtetojnë adresën e banimit. Mund të jetë një faturë uji apo energjie elektrike ose kontrata e banesës. KQZ ka 3 ditë kohë kthim përgjigje për aprovimin apo kërkesën e dokumenteve shtesë. Më pas emri aplikantit të miratuar, hiqet nga lista zgjedhore e zonës ku banon dhe kalon në listën e votuesve të diasporës. Fleta e votimit do ti shkojë me postë dhe postohet më pas drejt KQZ.