E marta e 19 Marsit do të ulë në tavolinë kryenegociatorët e Kosovës dhe Serbisë për çështjen e normalizimit të marrëdhënieve mes dy vendeve. Takimi do të zhvillohet me kërkesë të Bashkimit Europian, ndërsa u konfirmua dhe nga vetë I dërguari I Uashingtonit për Ballkanin Perëndimor, Gabriel Escobar pas takimit që pati me kryeministrin Albin Kurti. Zyrtari I lartë amerikan kërkoi nga qeveria që të jetë fleksible në këtë takim. Kosova do të përfqësohet në këtë takim nga Besnik Bislimi ndërsa Serbia nga Petar Petkoviç. Ata pritet të flasin gjithashtu edhe për mundësinë e përfshirjes në diskutime edhe të çështjes së dinarit serb, raporton Radio Europa e Lirë, që I referohet burimeve diplomatike të saj. Çështje kjo që u diskutua edhe në Bruksel në fund të muajit shkurt, ku Kosova u përfaqësua nga guvernatori i Bankës Qendrore të Kosovës, Ahmet Ismaili. Diskutime këto që nuk sollën asnjë rezultat. Çështja e dinarit ka tensionuar akoma më shumë marrëdhëniet mes Prishtinës dhe Beogradit, ndërsa dhe vet SHBA dhe BE kanë kundërshtuar zbatimin e vendimit të Bankës Qëndrore të Kosovës ndërsa kanë kritikuar dhe kryeministrin Kurti.